Sigo cun tremelicar mudo, que me desequilibra un pouco, que me fai sentir insegura.O meu pensamento absorto, tan só sinte calma na parte que ocupas ti, o resto é todo tumulto.
Teño horas concertadas nas que todos me rodean pasando a vista por riba, pasándome a man pola cara, pechando a porta ó marchar. As outras, que ninguén amortiza, pasan.
Sinto frío, teño nós na gorxa, teño ganas de chorar, penso en ti, e o meu corazón compite co vento en velocidade nesta noite de temporal.